Zegaman jaioa, Arantzazuko fraide frantziskotarra da. Apaiz ikasketak egin ondoren, Madrileko Unibertsitate Zentralean lizentziatu zen Hispaniar Filologia sailean. Hogeita lau urtez irakaslea, euskarazko itzulpenak egin eta zuzendu ditu hezkuntza, frantziskotar lege, liturgia eta historia gaietan. Arantzazu aldizkarian idazten du aspalditik Arendui izenordez, Arantzazuko Egutegiaren zuzendaria da 1977tik.

Azken urteetan Arantzazuko frantziskotarrek Asisko Frantzisko eta Asisko Klarari buruz argitaratu duten liburu mardulerako talde lanetan aritu da Jose Luis Zurutuza, eta liburu horretarako itzuli zituen zenbait testu aukeratu ditu EIZIEren Itzulpen Antologia III libururako: San Frantziskoren Loretxoak liburukoak dira batzuk, eta beste biak Anai Juniperoren Bizitza kontakizunekoak.

2014-08-26