EIZIEko ohorezko bazkide
Parisen soziologia ikasketak egina, Zeruko Argia aldizkarian idatzi zuen urte luzez. Soziologiarekin batera nekazaritza-ekonomia ere ikasi zuen Parisen, eta etxera itzultzean horixe irakasten jardun zuen Donostian eta Iruñean zenbait urtez. Horrez gain, SIADECO ikerketa-elkartearen sortzaileetako bat eta bertako langilea izan zen. Hitzaldi eta idazlan asko egin ditu, baserri lanari lotuak gehienak. Horien artean, Baserriko Irabazbideak liburua aipa daiteke, eta baita Estudio Socio-económico del Caserío Guipuzcoano (1971) ere, urtetan Gipuzkoako baserrietan egindako inkesten emaitza gisa idatzitakoa.
Kantarako zaletasun handia dauka Andoni Lekuonak, ziurrenez etxean bizi izandako giroak eraginda: Julen anaia kantautorea, Juan Mari poeta eta osaba Manuel letragile oparoa. Era askotako kantuak itzuli ditu bere bizitzan zehar; berak euskaratuak dira, besteak beste, jende askorentzat hain ezagunak izandako Txistuka dago trena eta Gaztetxo naiz. Gernika sutan ere kaleratu zuen, Bretainiako antzinako musikaz lagundurik. Kanpora begiratzeko joera izan du Lekuonak kantuak aukeratzeko orduan, eta kanpokoak dira, baita ere, EIZIEren Itzulpen Antologia III libururako aukeratutako Hainbat kanta. Elkarteak ohorezko bazkide izendatu zuen 2002an.
Loturak
- Auñamendi Eusko Entziklopedia
2014-08-26
| liburuak |
|
Itzulpen antologia III Aragon, Louis ; Blanc, Michel ; Brel, Jacques ; Bughetti, Benvenuto ; Carama, Helder ; Desplat, Christian ; Hamers, Josiane F. ; Mancho, Martin ; Mendiague, Jose ; Memmi, Albert ; Moustaki, Georges ; O’Dell, Scott ; Prévert, Jacques ; Sastre, Alfonso ; s.n. ; Sylvestre, Anne ; Tuzidides (2002) [ > eu]
testu mota: Literatura
argitaletxea: EIZIE argitaratze lekua: Donostia beste itzultzailea(k): Joxe Agirre "Joxe Alkiza", Juan Mari Lekuona, Txomin Peillen, Dionisio Amundarain, Xalbador Garmendia, Mikel Atxaga, Txillardegi, Lukas Dorronsoro, Patxi Altuna, Jose Luis Zurutuza, Jose Maria Satrustegi, Hiazinto Fernandorena bestelako testuak
Zer naiz ni zu gabe? Aragon, Louis (2002) [fr > eu] Ohekide zaidan dama Moustaki, Georges (2002) [fr > eu] Ez nazazu utzi Brel, Jacques (2002) [fr > eu] Amsterdam portuan Brel, Jacques (2002) [fr > eu] Senarra joan zen Sylvestre, Anne (2002) [fr > eu] Hainbat kanta Aragon, Louis ; Prévert, Jacques ; Moustaki, Georges ; Brel, Jacques ; Sylvestre, Anne (2002) [fr > eu] Hosto hilak Prévert, Jacques, Jacques (1992) [fr > eu] |