Aspalditik Donostian bizi den billabonatarra. Historia ikasi zuen UPV/EHUn. Ondoren piano ikasketak amaitu, eta Londresera joan zen bizi izatera. Ingalaterratik itzultzean, Itzulpengintza eta Interpretazio ikasketak egin zituen Salamancan (2005ean amaituta). Urtebetez irakasle aritu zen Bigarren Hezkuntzan, baina 2006az geroztik itzultzaile, zuzentzaile eta interprete lanetan aritu da. Lehenengo autonomo, gero kontratupean 8 urtez, eta 2016tik autonomo berriz ere. Itzulpengintza eta interpretazioa uztartzen ditu, eta bietan sentitzen da gustura.

Hainbat erakunderentzat egiten du lan, eta hainbat arlo lantzen ditu: haur eta gazte literatura, gizarte gaiak, testu liburuak, udaletako dokumentazioa, ikus-entzunezkoak, musika, artea eta abar. Azken arlo horretan  –artea–, artista feminista askoren lanen iruzkinak itzuli ditu, eta sortutako jakin-minaren ondorioz, Emakumeen eta Gizonen arteko Berdintasun Masterra egin zuen EHUn 2015-16 ikasturtean. Euskara, gaztelania, ingelesa eta frantsesa ditu lanerako hizkuntzak.

2018-03-26