Ingenieritza Teknikoa eta Kazetaritza ikasitakoa da,  eta 2014. urtean “Lagunarteko hizkera ETBko fikzio seriatuan: euskararen normalizazioaren ispilu? Bikoizketa Euskal Herrian (1982-2013): sorrera, garapena eta gainbehera” doktoregoa tesia aurkeztu zuen.

Mondragon Unibertsitateko irakasle izana da, eta egun EHUn dabil lanean, komunikazio teoriaren, kazetaritza erredakzioaren eta ikus-entzunezko itzulpengintzaren alorretan eskolak emanez. “Teknologia eta Itzulpengintza” izeneko graduondokoan ere irakasle da, eta HGH (Hedabideak, Gizartea, Hezkuntza) taldeko ikertzaile. Bestalde,  Ekuadorreko Eliz Unibertsitate Katolikoko irakasle gonbidatua izana da, eta baita zenbait kazetaritza eta komunikazio saritako epaimahaikide ere.  Berria Taldeko administrazio konseiluko kide da 2011z geroztik, eta 2013an taldeko lehendakari izendatu zuten.

Nolanahi ere, ikus-entzunezko itzulpengintza izan du jardun-alor nagusia; ETBn gidoiak itzultzen, egokitzen eta zuzentzen lan egin du, eta telesail batzuen hizkuntz arduradun izan da. Hedabideei dagokienez, Euskaldunon Egunkaria-n eta Berrian euskara taldeko kide izana da, eta bi egunkari horien estilo-liubruak idazten parte hartu zuen. Zenbait artikulu eta testu argitaratu ditu, horien artean, Josu Barambonesekin batera sinatutako “Ikus-entzunezko itzulpena” liburua (UEU, 2006).

Halaber, EIZIEko lehendakaria izan zen 2007an, eta lehendakariorde 2005-2006an

Loturak

• Goienan argitaratu dituen artikuluak
• Elkarrizketa 11 Telebistan
• Elkarrizketa Diario Vascon
• Albistea Berria egunkarian
• Wikipedia

2015-12-29