Idazle oparoa izan zen, poesia, antzerkia eta nobela landu zituen eta baita itzulpen lanak egin ere. Banketxe batean egin zuen lan, eta Bizkaiko Foru Diputazioaren Itunben ekonomikoaren legearen itzulpena ere hark egin zuen, horregatik esan ohi da administrazio-lanen itzulpenak egiten aitzindaria izan zela. Azken lan hori EIZIEren Itzulpen Antologia I liburuan jasota dago. 

Bestalde, Erkiagaren itzulpenen artean aipatzekoa da Georges Simenon-en Aspaldiko Maigret (Labayru, 2009) polizia-eleberria, 1955ean itzulia. Andres Urrutiak aurkitu zuen eleberria Erkiaga hil ostean, eta baita argitaratu ere. Loidiren Hamabost egun Urgain´en eleberriarekin batera, genero poliziakoa ekarri euskal literaturara ekartzen lehena izan zen. Platon-en Parmenides ere Erkiagak  itzuli zuen.

Hala eta guztiz ere, Erkiagaren lanik ezagunenak eleberriak dira. Oro har, molde tradizionaleko eleberriak ditugu, gerra aurreko estetikei begira daudenak, alegia. Poemagintzan, berriz, Lauaxetaren eta sinbolisten jarraitzaile izan zen.  

Euskerazaleak elkartearen sortzaileetako bat izan zen, Labayru Ikastegian ohorezko kide, eta baita euskaltzain osoa ere. EIZIEk 1991n ohorezko bazkide izendatu zuen.

Loturak

-       Bizkaieraren ataria 

-       Euskal Literaturaren Hiztegia EHU

-       Hiru.com

-       Bidegileak 8 

2014-08-06