Itzulpengintza eta Interpretazioan graduatu nintzen, 2016an, ikasketak Euskal Herriko eta Montrealgo unibertsitateetan burutu ostean. Jarraian, Irakasleen Prestakuntza Masterra egin nuen (EHU, 2017), hizkuntza eta literaturan espezializatuz. Gerora, interprete gisa formatzen jarraitzeko, Tenerifeko Konferentzietako Interpretazio Masterra egitea erabaki nuen (ULL, 2021).

Egun, interprete eta itzultzaile autonomo dihardut. Aurretik, Alemanian bizi izan naiz sei urtez, eta, atzerrian ibili bitartean, itzultzaile- eta interprete-jarduna irakaskuntzarekin uztartu izan dut. Euskara irakaslea izan naiz Leipzigeko eta Berlingo Freie Uniberstitateetan eta hizkuntza, hizkuntzalaritza aplikatua eta kultura eskolak eman ditut.

Bestalde, esperientzia dut tokiko zein nazioarteko ekitaldiak antolatzen, hizkuntzekiko ditudan interes eta kezkek bultzatuta. HIGA! Hizkuntza Gutxituetako Hiztun Gazteen Topaketaren talde antolatzaileko kide izan naiz, eta, Etxepare Institutuaren sarearen baitan, beste zenbait proiektu garatzeko aukera izan dut, hala nola "Norabideak" zikloa, euskarazko eta alemanezko itzulpenak ardatz dituen ekimena, edota "Sprachen im Widerstand" Berlingo kurduen eta euskaldunen arteko esperientzia trukatzeko topagunea.

Loturak

LinkedIn

2024-02-06