Donostian jaio bazen ere, andoaindarra da Xabier Aristegieta. Zuzenbidean lizentzatu zen Euskal Herriko Unibertsitatean, eta kazetaritza-ikasketak egin zituen unibertsitate berean. MBA ikasketak ere egin zituen, Deustuko Unibertsitatean, hala nola musika eta piano ikasketak.

Euskarako itzultzaile eta interpretea Nafarroako Parlamentuan, 1997tik 1999ra arte eta 2000. urtetik gaur arte; 1999-2000 bitartean, Nafarroako Unibertsitate Publikoan jardun zuen itzultzaile eta interprete.

Ingelesa-gaztelania zinpeko itzultzailearen habilitazioa lortu zuen 2011. urtean.

Agatha Christieren zenbait lan euskarara ekartzeaz gain, Jodi Deanen Crowds and party saioa itzuli du gaztelaniara (Multitudes y partido).

Beheragoko loturetan jasotzen direnez gain, artikulu hauek argitaratu ditu: Nafarroako Parlamentuko esperientzia (2000ko azaroa), Pello Esnalen Hitz-ordena: erabilera estrategikoa liburuaren iruzkina, Ardura eta erantzukizuna eta  Nolako segurtasuna da segurtasun juridikoa?, azken biak Administrazioa Euskaraz aldizkarian.

EIZIEko Zuzendaritza Taldeko kidea (2009-2011).

Loturak

-       Xabier Aristegietaren artikuluak 31 eskutik blogean

-       Xabier Aristegietaren lanak Inguma datu-basean

2017-11-22