Ingeles Filologiako lizentziaduna, egun itzulpengintzako irakasle da UPV/EHUn. Unibertsitatean lanean hasi aurretik, Euskadiko Justizia Auzitegi Nagusiko eta Arabako Probintzia Auzitegiko itzultzaile-interprete ofiziala izan zen.

 Batik bat ikus-entzunezko itzulpena ikertu du, eta makina bat artikulu idatzi du gai horren inguruan, besteak beste Senez aldizkarian. TRALIMA-ITZULIK literatur eta ikus-entzunezko itzulpenaren ikerketa taldeko kide da. Halaber, EHUren Itzulpengintza eta Teknologia graduondokoaren zuzendaria da.

 2009an aurkeztu zuen doktoretza tesia, ETB1eko haur eta gazte programazioko ikus-entzunezko itzulpengintza azterturik: La traducción audiovisual en ETB-1: Estudio descriptivo de la programación infantil y juvenil.

Senez aldizkariko erredakzio batzordeko kide izan zen 2007tik 2014ra.

Literatura Unibertsala bildumarako Bidaia Sentimentala Frantzia eta Italian zehar euskaratu du, Laurence Sternerena.

Loturak

- Bibliografia (TRALIMA-ITZULIK)

- Elkarrizketa unibertsitatea.net blogean

- Josu Barambonesen lanak Inguma datu-basean

(Argazkia Bizkaie.biz webgunetik hartua)

2016-09-20