NOR da NOR

Txomin Peillen

Paris, 1932

EIZIEko ohorezko bazkide


kontaktua
Oharra: Berari buruzko biografia eta informazio zabala. (Eusko Ikaskuntza) | http://bit.ly/1jxdPTV

Guraso zuberotarrak zituen arren, Parisen jaio zen eta han bizi izan zen urte luzez. Sorbonneko Unibertsitatean biologia ikasketak egin eta 25 urtez Parisen izan zen irakasle. 1982an Paueko Unibertsitatera aldatu zen, eta Santa Grazi eta Baiona hartu zituen bizileku.

 

Jon Miranderen lagun mina, Parisen elkar ezagutu eta Igela literatur aldizkaria sortu zuten 1962an, testu satiriko eta zirikatzaileen eraginez hautsak harrotu zituena. Beste hainbat aldizkaritan ere eman ditu ezagutzera bere idazlanak: Gernika, Egan, Euzko Gogoa, Jakin, Eusko Folklore, FLVSD, Cuadernos de Etnología y Etnografía de Navarra, Euskera, Elhuyar, Bulletin du Musée Basque (Baiona) eta Donostiako UZEI zerbitzuan. Bere argitalpen ugariak biologia, ideien historia (etnografia eta literatura) eta hizkuntzalaritzarekin lotutako alderdiei buruzkoak dira.

 

Itzultzaile lanetan ere oso emankorra da Txomin Peillen, besteak beste haur eta gazte literaturan Errotaria errege, Buffalo Billen abentura, Mirko printzea, Aldjezaria askatuta itzuliak dituelarik. Poesia ere landu du Peillenek, 2006an argitaratu zuen Abd El Kader itzulpen-sortan, esaterako. Horrez gain, EIZIEren Itzulpen Antologia III libururako Jose Mendiagueren poema batzuk itzuli zituen gaztelaniara.

 

Euskaltzain urgazle izendatu zuten 1967an, euskaltzain oso 1988an eta euskaltzain emeritu 2007an. 2002an EIZIEk ohorezko bazkide izendatu zuen.

 

Gehiago jakiteko:

- Auñamendi Eusko Entziklopedia: http://bit.ly/VSyDdF

- Euskaltzaindia: http://bit.ly/W3445n

 

2014-08-26


liburuak
 

Itzulpen antologia III  Aragon, Louis ; Blanc, Michel ; Brel, Jacques ; Bughetti, Benvenuto ; Carama, Helder ; Desplat, Christian ; Hamers, Josiane F. ; Mancho, Martin ; Mendiague, Jose ; Memmi, Albert ; Moustaki, Georges ; O’Dell, Scott ; Prévert, Jacques ; Sastre, Alfonso ; s.n. ; Sylvestre, Anne ; Tuzidides (1996) [ - eu]

jatorrizkoaren titulua: s.n.
testu mota: Literatura
jatorrizkoaren argitaratze urtea: s.d.
argitaletxea: EIZIE
bilduma: s.n.
argitaratze lekua: Donostia
jatorrizkoaren herria: s.l.
beste itzultzailea(k): Joxe Agirre "Joxe Alkiza", Juan Mari Lekuona, Dionisio Amundarain, Xalbador Garmendia, Andoni Lekuona, Mikel Atxaga, Txillardegi, Lukas Dorronsoro, Patxi Altuna, Jose Luis Zurutuza, Jose Maria Satrustegi, Hiazinto Fernandorena

        testua on-line

bestelakoak

Bosquejos vasco-uruguayos  Mendiague, Jose (1996) [eu - es]

testu mota: Poesia
non argitaratua: Itzulpen Antologia III - EIZIE
oharrak: Itzultzaileak antologiarako berariaz itzuliak.

        testua on-line

 
« atzera egin

PDF bihurtu