Kaxildo Alkorta idazle eta itzultzailea izan zen. Filosofia ikasketak egin zituen, eta irakasle lanetan hasi zen Portugaleteko ikastolan 1969an, eta ondoren IVAP Herri Arduralaritzaren Euskal Erakundean itzultzaile ibili zen.

EIZIEko zuzendaritzako kide izan zen 1988-1993 bitartean. Halaber, itzulpen alorreko Euskadi Literatura Sarien epaimahaikide izan zen 1989 urtean.

Mendebalde Kultura Alkartean lan egin zuen, 2010etik lehendakari gisa. Prentsan ere idatzi zuen, eta baita Administrazioa euskaraz aldizkarian ere. Itzulpenez gain, bi liburu argitaratu zituen, Giza zirriborroa (1972) eta Atzotik etzira (2008), besteak beste.

Euskaltzain urgazle izan zen 2013az gero. 2021eko urrian zendu zen.

Loturak:

- Kaxildo Alkortari eginiko elkarrizketa (Bizkaie!, 2012-06-11)

- Kaxildo Alkorta, pertsona edegia, alkarrizketa gozokoa (Bizkaie!, 2021-10-13)

- Kaxildo Alkorta, IVAPeko adiskide eta laguna (Administrazioa euskaraz, IVAP, 2022/02)

- Wikipedia

- Kaxildo Alkorta Barrena: Ubera gizatiarra utzitako laguna (Karmel, 2022)

(Argazkia: Euskaltzaindia)

2022-02-04