Itzulpengintza eta interpretazio ikasketak egin zituen EHUn, eta Hizkuntzalaritza eta Euskal Filologia Unibertsitate Masterra ikasi zuen gero. Urte eta erdiz euskara eta euskal kulturako eskolak eman ditu Etxepare Euskal Institutuak Berlinen duen irakurletzan. Horrez gain, itzultzaile eta zuzentzaile gisa kolaboratu du hainbat proiektutan eta, egun, itzultzaile-interprete lanetan ari da Gipuzkoako Foru Aldundian. Euskara, gaztelania, ingelesa eta alemana ditu lanerako hizkuntza.

Garazi Arrularekin eta Danele Sarriugarterekin batera, "Itzulpenaren teoria eta jarduna: bideak urratzen" ikastaroa antolatu zuen UEUn 2013an. Elearazi blogean kolaboratzaile izan da, besteak beste.

Korapiloak lokarrietan eta Morfologiak izeneko poema bildumen egilea da, Bermingham argitaletxeak plazaratuak biak (2014an eta 2016an, hurrenez hurren). Lan horiei esker irabazi zuen Xabier Portugal-Pasaia Hiria Olerki Lehiaketa bitan. Hamar urte lehenago ere Urruzuno lehiaketa irabazi zuen Malko gaziak narrazioarekin.

EIZIEren Zuzendaritza Taldeko kide izan da 2016tik 2022ra bitartean.

Loturak:

- Elkarrizketa Hitzen Uberan webgunean (2016)

- Artikulua Senez aldizkarian (2015)

- Elkarrizketa Oarso Bidasoko Hitzan (2014)

-Garazi Ugalderen aritkuluak 31 eskutik blogean

(Argazkia Hitzen Uberan webgunetik hartua)

2022-03-28